Main Menu

Navigation

You are here: Home › Fankalazana ny andro iraisam-pirenena ho an’ny Tanalahy- 9 May

Fankalazana ny andro iraisam-pirenena ho an’ny Tanalahy- 9 May

By on May 9, 2024 in Bilaogy

Fantatrao ve fa misy andro vaovao hankalazana ny biby sy ny zavamaniry eto Madagasikara ?

Hankalazaina amin’ny 9 Mey 2024 ny Andro Iraisam-pirenena voalohany isan-taona ho an’ny Tanalahy ! Ity andro manokana ity dia nokarakarain’ny Wildlife Madagascar, mpikambana mpanohana ny LCN, izay nilaza hoe :

‘‘Tena mendrika ny hanana ny androny amin’ny masoandro ny Tanalahy : tsy mitovy amin’ny karazana biby hafa rehetra eto an-tany izy ireo, maka ny sain’ny olona ary mila fiarovana ireo biby ireo. Manantena izahay fa ny Andro Iraisam-pirenena ho an’ny Tanalahy dia hamporisika olona maro hankafy kokoa sy ho tia ny Tanalahy ’’.

Misy karazany 228 ny Tanalahy, ary efa ho ny antsasany no mipetraka eto Madagasikara ! (97 raha ny marina.) Izany faha samihafana mahagaga izany dia azo antoka fa antony iray hankalazana azy.

Ahoana ny fomba fandraisana anjara

Tsidiho ny tranokalan’ny Wildlife Madagascar :

 

Ndao hianatra momba ny Tanalahy !

Sahala amin’ny biby maro maneran-tany, atahorana eo amin’ny fahaverezan’ny toeram-ponenana sy ny fiovaovan’ny toetr’andro izy ireo.

Ny tanalahy dia biby mandeha amin’ny atoandro ary tia mandeha irery. Midika izany fa mavitrika indrindra izy ireo mandritra ny andro, ary mihantona irery ! Ny karazana tanalahy dia miaina amin’ny toeram-ponenana samihafa, anisan’izany ny ala tropikaly, ny ala sy ny kirihitra, ny ala any amin’ny tendrombohitra ary ny tany efitra. Ny tanalahy dia mihinana bibikely ny ankamaroany, fa indraindray dia mihinana biby kely mandady, sahona, na vorona.

Parson’s Chameleon

Ny tanalahy lehibe indrindra maneran-tany dia ny Parson’s Chameleon (Calumma parsoni).

Parson’s Chameleon, sary: Wildlife Madagascar

Mety hahatratra 68 santimetatra ny lavany ary mahatratra 700 g ny lanjany !

Ity tanalahy ity dia hita any anaty ala mando any atsinanana sy avaratr’i Madagasikara, anisan’izany ny valan-javaboary Masoala. Sahala amin’ny tanalahy maro, manana rambony miraikitra amin’ny rantsan-kazo izy rehefa miakatra. Tsy sahala amin’ny androngo hafa, ny rambon’ny tanalahy dia tsy mety tapahana sy haniry indray.

Ny Tanalahy, anisan’izany Calumma parsoni, dia mampiasa ny lelany hisambotra bibikely. 

Toy izao ny antsipiriany momba azy hoy Wildlife Madagascar :

‘‘Ny tanalahy dia fantatra amin’ny halavany lelany mipetaka izay ampiasainy hisambotra ireo sakafony. Vondrona hozatra manokana no ahafahan’ny tanalahy mamoaka ny lelany 0 ka hatramin’ny 60 mph ao anatin’ny 1/100 segondra ! Ny tendron’ny lelany dia misy zavatra madity mipetaka izay manampy amin’ny famandrihana ny sakafony, toy ireo karazana valala ary bibikely hafa. Ny tanalahy lehibe sasany koa dia mihinana vorona kely na androngo hafa’’.

Panther Chameleon

Karazana tanalahy tsara tarehy hafa mipetraka eto Madagasikara dia ny Panther Chameleon (Furcifer pardalis). Ity tanalahy ity koa dia tia mandeha irery ! Hitanao mihantona eny ambony hazo any anaty ala sy kirihitra any avaratra sy amoron-tsirak’i Madagasikara.

Panther Chameleon, sary: Wildlife Madagascar

Ity tanalahy ity dia fantatra amin’ny lokony mamirapiratra !

Toy izao ny antsipiriany momba azy hoy Wildlife Madagascar :

‘‘Ireto misy loko mifanaraka amin’izany, antsoina hoe “morphs”, na “localities”, ao anatin’ny faritra fonenana samihafa.  Saingy amin’ny ankapobeny, ireo tanalahy ireo dia mampiseho farazana loko samihafa, anisan’izany ny loko manga, maitso, mavo midorehitra, mavokely sy volomboasary, ary mena mihitsy aza. Misy karazany maro koa ny lamina, ny pentina, ny tsipika ary ny bandy. Ny lahy dia matetika miloko marevaka kokoa noho ny vavy, ary toy ny tanalahy rehetra, ity karazana ity dia mampiasa ny loko ho endrika fifandraisana’’.

 

 

 

Ny Panther Chameleon dia mihinana bibikely ny ankamaroany !

Ny tena ankafiziny amin’ireo dia ny valala, ny voangory, ny kalalao, ary ny lalitra. Antsoina hoe mpihaza manararaotra izy ireo. Midika izany fa miambina sy miandry izay sakafo mandalo izy ireo, ary avy eo mamoaka haingana ny lelany mba hisambotra azy !

Ny Panther Chameleon dia ao anaty lisitra mena ny IUCN ho karazana “tsy mampanahy loatra”. Nanamarika anefa ny Wildlife Madagascar : 

‘‘Iray amin’ireo karazana tanalahy izay betsaka mpitady indrindra amin’ny varotra biby fiompy iraisam-pirenena izy io, izay mety hanomboka hisy fiantraikany ratsy amin’ny mponina bibidia. Nampiharina teto Madagasikara ny fepetra henjana momba ny ara-barotra, ary ny haavon’ny fanondranana vao haingana dia heverina ho ao anatin’ny fepetra maharitra’’.

Zahao ny karazana lokon’ny Panther Chameleon eto Madagasikara :